Plural majestatic

Le plural majestatic (ab latino pluralis maiestatis "plural de majestate") es in le lingua parlate, o scribite, le referentia a un mesme, del parlante o scriptor, usante le forma del prime persona del plural.

Iste uso esseva diffundite extensivemente in le Roma antique e ha perdurate in le tradition de multe paises como expression formal. In modo special, il ha essite le reges e papas (dunque le nomine de majestatic, pertinente o relative al majestate) le quales ha usate traditionalmente iste forma de expression, in tanto que es associate al imagine del institution. Tamben esseva usate in le monarchia ottoman o le monarchia anglese. Su uso plus commun es pro dar a intender excellentia, poter o dignitate del persona que parla o scribe.